Mexíkönsk nautahakksúpa

Súpa fyrir 20 manns sem aðalréttur

• 1 kg nautahakk
• 5 laukar
• 10 gulrætur skornar í skífur
• 1 hvítlaukur
• 5 lítrar niðursoðnir tómatar
• 4 lítrar nautasoð
• 1 msk karríduft
• 1 msk cummin
• 1 tsk tabaskosósa
• 4 msk þurrkuð basilika
• 2 msk estragon
• 800 g rjómaostur
• 1 l matreiðslurjómi
• Salt og pipar eftir smekk

Hakkið steikt, piprað og saltað á pönnu. Smátt saxaður laukur og hvítlaukur svissað á pönnu og síðan er öllu nema rjómanum bætt við og látið malla í 40 mínútur. Rjómanum bætt í undir lokin ásamt dass af ást og umhyggju.

Þeir sem vilja hafa súpuna bragðmeiri skvera meira af kryddinu út í og verði ykkur að góðu!